|
打球貼士 007無意亦未夠班教各位打高爾夫的技術，不過經過多年學波的經驗，在這裏只係想嘗試同各位分享學打波的樂趣同.....痛苦。 在練習場時見到相當多初學者搵朋友教，如果你只想social下同分享一下打球樂趣這樣當然冇問題。 但如你想真係進步就要搵專業教練，除非你的朋友受過一定訓練否則可能有反效果。 因為每個人都有不同的身高及體重，適合你朋友的一套未必適合你，尤其是初學者千期唔好為慳少少錢或貪方便，已免學壞手勢兼容易弄傷自已，第日後悔! 因為高爾夫的基本姿勢相當重要，好難無師自通。 007試過有一段時間淨係間中睇下錄影帶同書就自已練，但後來奇怪點解好似練來練去都冇乜進步呢？ 所以有次叫個朋友用錄影機幫我錄低個揮桿等我自已檢討一下，點知睇完先知以後都唔使睇恐佈片! 嚇到我自己飛起，跟住重冷汗直流連'驅魔人'都唔係我個皮，初初唔知重以為自已練的時候個揮桿好'型仔'，原來係咁核突。 後來唔使講立刻要搵教練重頭執過。唉，重慘過新學。仲有就係在學習期間千期唔好放棄，因為初頭改swing會好慘同分分鐘衰過未學，但一定要繼續改善先會進步，鬼叫你之前學壞手勢 。 其實而家有很多團體訓練班價錢合理，有D班重教埋球場上的禮儀，絕對值得考慮。 |
|
就算你已有番咁上下技術，007亦強烈建議你每隔兩或三個月都搵教練教番半小時 (或者兩個人一個鐘費用會冇咁高，而且一個人學一個鐘都冇乜用，因為你好難吸收哂D嘢) 。 講到教練有一樣嘢非常重要的就是要搵一個好教練！最好係朋友介紹或自已在練習場時留意下其他教練。
|
|
最後007覺得course management都幾重要，因為有時見到D球友冇乜點考慮用桿，例如有一個500碼的五桿洞，你就算點打都冇可能兩桿上果嶺的話，就毋為用一號木，應該考慮用冇咁容易出事嘅三號木或長鐵桿開球，令波儘量落在球道上。我試舉個例: |
|
| (A) | |
| 假設你用三號木或長鐵開球，可以打 | = 200碼 |
| 第二桿用長或中鐵 | = 170碼 |
| 第三桿用只係淨低 | = 130碼 |
| 分分鐘可以平標準桿! | |
| (B) | |
| 假設你用一號木打可以打 | = 250碼 |
| 你的第二桿都重淨低 | = 250碼 |
|
即係都未可以上果嶺同要打第三桿! 不過打失同出界的機會就高好多。
|
|