波的故事

現時市面上有數以十計牌子， 有平有貴，重隻隻都話自已出品嘅最好。 究竟邊隻最好? 邊隻最掂?  邊隻最適合你同我呢?  我都好想知於是成日嘗試不同牌子及類型周週圍問人搜集資料，結果如何?  俾大家睇真D。 其實波嘅類型主要大致分為下列三大種類型： 
距離 (Distance)
距離波大部份都是用二層物料做，主要當然是比其他波在擊球後飛得較遠距離同較耐用，但擊球時會有較"硬"的感覺。 　
旋轉 (spin)
旋轉波則大部份都是用三層物料做，因為質地比較軟所在擊球後有較多的backspin旋轉在球道擊球上果嶺時會較容易停，但因表層物料太軟會容易損壞。 
控制 (control) 
至於控制波則為上述兩種之中間，各位可以根據自已的技術水平選擇。
質地
Balata  - 質地較軟同容易控制，缺點是比較容易耗損。

Surlyn - 質地較硬但有距離及耐用，缺點是較難控制。

Synthetics -  價錢較高但有很好的擊球感覺及耐用。 　

初學球的可以考慮距離波，至於有一定技術者可以用旋轉 (spin)同控制 (control)嘅波。

我覺得距離波(distance ball)在用木桿或長鐵桿時會有多一些carry(約5-10碼)同滾動(roll)亦會多少少，而用中或低鐵桿時就唔多覺有太大分別。

新手就最好避免用旋轉(spin)波因會令你己經打得差的球變得更差(更加多Slice或Hook)，至於控制(control) 則在兩者之間。各位可以考慮邊隻最適合自已的需要。

不過我就留意到好多世界級球手都用Titleist波，相信佢一定有番咁上下質素又或者佢有多D錢贊助職業球員用佢隻牌子。

另外我覺得balata的波較容易損壞，我個人就比較喜歡用spin波因為多數成日都上唔到果嶺(green)，要打pitch shot用spin波覺得比較易控制。

不過有時我亦會睇打邊個場地同當日天氣先決定用種類嘅波，例如個場有很多長的五同四桿洞或比較濕我就會用distance波，所以我個球袋裏兩種波都有。

但如果你係初學者就其實什麼波都分別不大，最緊要唔好打失 ! 所以不需要花太多錢在"靚"波上，可以考慮買一袋的特價新波或二手波* ，其實想找到最合適自己嘅波，最主要係不斷嘗試。

*部份二手波可能在水中浸過會比較差，買的時候就要比較小心因為有冇浸過水有時很難分別，另外在買"一袋"二手波時要check同數清楚每一個，因為有時會有D好舊嘅波在裏面同唔夠數。