本來以為在03年已經打哂所有廣東省既球場，可以休息一下，點知打極都仲有新場陸續出籠.........觀瀾東莞新場、海麗、東方、惠州同今次既九龍湖，聽朋友講04年尾仲有一個球場在三水同清遠附近都會完成，做高球場真係咁好賺？

個場位於廣州花都區，由廣州市區去約35-40分鐘(視乎交通情況)，由皇崗出發就要2粒鐘，如果包架van仔連高速費要800左右人仔，想清楚位置，可以望下個球會地圖。

個球會會所用蘇格籣式裝修，都算巨型(可能因為預算起54洞)，地下係Lobby、proshop、cafe同更衣室，樓上係餐廳仲有個fire place！。

球場雖然尚算新但員工服務都幾好。

個場環境都唔錯，頭九環繞個湖起，所以多D水但球道較闊，觀景亦較開揚，後九就有D似三九，球道在各山中而起 - 狹窄、盲點亦較多(如第14洞頗為"騎呢")，要一路打一路要問caddy距離同落點方向，打落有D似世紀海景feel，不過因為大部份fairway比較'闊'所以難度冇三九咁勁。

球場雖然較新，但唔講你會以為佢係一個老場，因為附近山區fairway都係成熟既大樹，睇落成個樹林一樣，空氣都清新D，打波都舒服D........。

唔錯、有中上表現，Fairway保養very good ，果嶺亦幾好但嫌佢過快同過硬，Approach 用中長鐵hold唔到green唔在講，連Sand wedge上都彈出green外......就唔多happy。

可能個場在多個月前已有九洞開放，所以我個球僮的質素都算唔錯，雖然睇Line仍然唔多掂，但對球場碼數及落點都幾清楚，服務態度亦幾好，對一個新場黎講，可以收貨。

個場位置在廣州既花都，離深圳兩個鐘車程，對香港既球友可能較遠，但由於差不多全
程都係行高速公路，所以都幾舒服。

由於藍tee有成6,662碼，加上部份球道頗窄......想有上佳表現就要練好D波。

球會各方面表現都有中上表現，Eagle.