可能由於中央政策關係，廣東省近年唔係太多新球場，今次有朋友介紹佛山的三水開左個新場，所以立即揾我最喜愛的旅行社高球007預訂試打(可能趕得制，途中連車呔都爆埋 !)

球會位於佛山三水市區邊，行廣佛高速轉廣三高速，在西南出口下右轉行三四公里就到，由於是新開發區如唔熟路可以看路牌找“雲東海街道辦事處”，由深圳出發全程可走高速，約兩個半鍾車，球會算近鎮中心，唔係算太偏僻。

球會約在09年中開始試業，會所雖然係臨時但設施都算齊全，有餐廳、服務台、專賣店、小食亭; 由於球會將考慮再建18洞，到時的永久會所應將會較宏偉。現時球場比較新但部分由香港人管理所以員工服務都唔錯。
值得一提係當日天氣都幾凍，冬天小食亭有免費薑茶提供, 好warm !

球場設計師係美籍的Joe F. Obringer，原來佢在國內有多個作品其中包括較多人認識及我幾鍾意的麗江古城而其它就冇聽過....河南的思念、雲南陽宗海、合肥紫蓬灣、溫州雁盪山、廣西的北海銀河、天津華鼎、唐山南湖等多個球場。

而雲東海係圍繞幾個山區樹林而建所以環境幾寧靜同靚，但暫時因為新建成所以仍然有些地方有維護工程在進行中.....個球場設計在頭九較多水但球道算合理地寬闊，所以打起來唔算太難，球道有上上落落及狗腿洞及盲點，打落都幾多變化景色亦很舒服，個球場藍Tee 有成6,737碼(唔知一點解打落唔覺太長)，打波唔夠距離或想舒服D就要落短D既白tee6,260碼，而全場最靚既signuture球道係第6洞亦係最高難度.....球場.....Video。

球場雖然係新但員工服務做得唔錯，餐廳食物亦可以。 據球會說客人對球場反應不錯現已考慮多建18洞即將會有共36洞。

球會整體表現十分平均.....Birdie 01/2010