個場係台灣一間化工公司擁有，離另一球會台達約十多分鍾、海口市中心約40分鐘、美蘭機場就20分鐘車程，最近球會對球場進行全面的改造和擴建並在06年12尾完工。

由於會所剛剛完成，所以各樣設施都就乾淨整齊，西餐廳、中餐廳、更衣室亦幾企理、proshop、員工服務亦唔錯，如天氣好亦可以坐出露臺，上面提過呢個場由台資化工廠擁有，所以球會部份浴室用品都係用自己產品。

個場位於海口市郊的農村附近環境幾清淨，球場屬大路設計、球道頗寬闊、dogleg球道不多亦冇乜飛水過崖等高難度動作，果嶺大部份冇乜斜度，所以整體設計冇乜特別花巧.....個場的難度可能只在於距離，因為藍tee都有成6,587碼。

Play Video....

打球期間球場剛完成翻新開業，所以大部份球道仍未理想，反而果嶺就有中上水平。

球僮質素唔錯，對場地及碼數都報得幾準。

個場設計除左#7及#17較為有特式之外，其它球洞都差不多大直路，打落冇乜特別驚喜及太高挑戰性(難度只在距離及水障礙))。保養方面由於剛翻新完成水平未達理想在預料之中，相信球會可以儘快改善。Birdie 12/06