昆明陽光高爾夫球會
Sunshine Golf Club

球場資料
地址 雲南昆明昆曲高速公路6公里處
球場設計師 Robert Trent Jones
球場數目  18
標準桿數/最長距離  72 /7,217碼 (黑Tee)
場內交通 球車
007訂場熱線 (852) 2187 3146 (辦工時間) 或 24小時網上訂場
 
記分卡          
 
簡介
007起行去昆明之前,波友們都叮囑我一定要去陽光,仲話唔去會後悔咁話,既然朋友叫到,兩脅插刀,義不容辭.......唯有"蝕抵"一次去睇下佢係咪咁猛料?

從昆明市中心出發,大概用左30分鐘,由高速公路轉入一條山路,原來會所就響呢個小丘之上。
 
球會設施及服務

架車駛到會所門口停低,無乜特別,當行入會所之後,嘩!眼前一亮!個大堂唔止大,仲好似五星酒店咁,拿拿林走去前檯 checkin ,跟住四週圍望下,有Proshop,個餐廳亦幾大幾靚,個會所用晒落地大玻璃,一望出去就見到個場,非常開揚;參觀完畢,快快趣去更衣室換衫開波。

出發檯落一層,執齊野可以出發,好勒,你地準備好落場未?哎也,等陣,先要張對鞋消毒先,以免踩埋D病毒同雜草落場,攪掂晒,出發!
 
球場設計


呢個場係響密林裡開發出黎,由大師Robert Trent Jones設計,前九多D水,後九就響個山內穿來穿去,有上有落,左曲右彎,飛沙過水,半island Green,要乜有乜, 非常過癮;球道唔算好窄,果嶺斜度唔算好利害,不過就非常快,整體上既好玩但唔係好難。

 
球道及果嶺保養

整個埸既保養靚到冇得彈,草坪翠綠到冇得再綠,草密既厚,地壇feel,沙池用白沙,又靚又好打,我想唔到一個比完美更好既形容詞去形容。

呢度果嶺草坪係用Bent grass,夠技術可以打到back spin : )

 
球僮服務及場地認識

我地當日兩個球僮,一個就一流,一個就僅僅合格,對場地認識及報碼數差左少少。

 
球道照片
# 1 # 2 # 3 # 4 # 5 # 6 # 7 # 8 # 9
# 10 # 11 # 12 # 13 # 14 # 15 # 16 # 17 # 18
 
總結

大師即係大師,呢個場的設計精彩、有心思亦非常好玩,差不多每條球道都可以做Signature hole!難度亦有易有難,打既時候需要你認真去思考點進攻,用乜野杆.....係一個可以令你打完18洞之後又心思思想打多round的球場。

打前九時經常見到水邊有告示兼有水泡,唔係掛,真係有人咁勇潛水搵波?連D distance marker 都特別過人,每洞果嶺旁都會放一舊咁既野被你清潔球桿,都幾方便。

呢處唔單止球道好玩,個場既景觀亦一流,樹木成熟,又夠開揚,打完波坐在會所媢蘆M咖啡.......望出去個靚景已經心曠神怡,值番哂D果嶺費!

本來打完春城以為己經打左全中國最靚既球場,點知呢個場既靚法又完全唔同,比起春城可以話不遑多讓,毫不遜色,如果比會所質素,呢到仲高D,好野!

總結黎講,寫呢個評論時仍然回味無窮,D口水仲流緊,真係可以用無懈可擊黎形容呢個靚場,如果球僮既培訓更上一層樓應該可以俾足滿分..........引用毛主席的名句"江山如此多嬌,引無數英雄競折腰"........ 呢個場離市中心唔遠,去開昆明唔去試打會係你的損失,Albatross

 
難度指數 : (藍色發球區)  
球會設施、服務  
球場設計  
球道、果嶺保養  
球僮服務及場地認識  
球場綠化、觀景