都唔知點解個場起左咁耐我都未去過，可能之前聽球友講個場有好多水，所以一路都冇乜'吉士'去做屈原，直至最近打波有番D起色所以提起勇氣一試。

個場位於番禺，各位可以從中港城搭船去蓮花山港或從皇崗去約1個半小時車程；從球會出市中心約20分鐘，坐的士約RMB60。

最近知道球會進行果嶺改造工程完畢，馬上出發再去睇睇。

個會所面積對一個只有18洞既場黎講都算幾巨型，設施及裝修質素亦相當高，內有Proshop，而更衣室又大又舒服，餐廳有分中西式，又有酒吧，好天坐出去個露天茶座好鬼正，服務員水平就普通D，可以更好；會所樓上有住房，同有個小型兒童遊樂場。

個場果然名不虛傳，真係幾多水，不過大部份都係左右兩面，正面既 carry唔算太多，但大家如有畏水症就最好要練下波先。

由於長草區(light rough)生得相當密，在打球時會'kick'住支桿，D波入親去就要小心處理或考慮chip出球道算數，晤好係又博唔係又博，會好易出事架。果嶺就相當平坦，putt 波會較容易，致於球道亦有長有短同dogleg，打落幾過癮。

另外個場由於位於平地上，冇乜上上落落 - 幾易行。

上次個caddy非常懶，今次就好左D。

之前提過除caddy水準有D參差不齊，想有保証就最好比多些少upgrade去B或A級球僮，球會其它樣樣都有相當高水準，17洞Signature hole打完包你唔會忘記，# 9同 #18亦令我有相當深印象。

場內園藝亦做得幾有心機，個場現時既condition正到爆，各位想一試有5評分既球道同果嶺保養就要快快book定個tee time。

另外個場係用公制"米'計算距離同真係幾多水大家打波要小心同留意。

草坪保養及園藝都有進步，順理成章 - 升班 Ace 8/05