之前一直都有興趣去臺灣試下D街頭小食及打番場波，但可惜都未能夾到時間....多次未能成行，今次好在有個臺灣朋友特別幫我安排，所以立即落實行程，去臺北走番轉。

據臺灣朋友講呢間在1994年正式開幕的美麗華在臺北屬「頂班」，位置在桃園縣，離機場只約30分車程及距離台北市 45 分鐘車程左右，好！就將我在臺灣既第一次交俾佢喇。

唔知係咪因為個朋友話球會臺北屬最好....所以期望甚高，點知一落車見到個club house外型有些D舊，有小小失望，入到裏面見到餐廳、前臺、locker到專賣店同外面一樣，在裝修及設施跟廣東的一級球會差左幾班，不過keep得尚算乾淨企理。 而球會的員工服務態度就相當唔錯，在餐廳及proshop的兩位亞姐都對我呢個國語麻麻地的香港人細心介紹食物及產品(可能佢地覺得我靚仔喇)。

個場D沙池設計一睇就覺得相當熟口面，再問球僮confirm原來真係出自Jack Nicklaus手筆。

由於球場位於山區之內所以在設計上有相當多的起伏，球道的變化亦幾多，球場內及球道兩旁滿佈成熟的大樹，打落寧靜、舒暢、球道設計精彩及過癮......正！ 其中的#B2短par 3, B8都有一定挑戰性。

個場雖然多樹及多上上落落但由於B場的藍tee頭九只得3,149及後九3,173(共6,322碼)的長度(計分咭)及fairway唔算太狹窄，難度尚算適中。.......Play Video.

球道同果嶺保養都有中上水平。

臺北大部份球場的球僮都可以1對4...提供基本球僮服務(部份如扒沙或補Divot有可能要球手自助)，我們的球僮服務態度相當唔錯，對場地亦非常熟識。

會所雖然舊左D但對球場保養、園藝及員工服務都相當滿意，開波時在一號洞亦有個在國內用黎決定開球先後的抽籤器，打波沿途又見到個好friendly既marshal， 而最重要的係Jack Nicklaus既的設計打落比預期更好玩，而場內亦環境非常幽美、清靜，如果球會能夠投資多少將會所翻新，令佢靚仔D就無得頂！Eagle。6/09