球會位於東莞清溪鎮，球會有穿梭巴士在皇崗由早上7:30起每小時一班，車程約一個鐘。

聽講呢度係HKPGA既練習基地，咁即係話會有番咁上下難度？

個場頭九圍繞山坡而建，難度較高，主要係球道比較狹窄，藍色發球區亦算長6,594碼，雖然五桿洞只有500餘碼，但四桿洞就平均較長達380 - 390碼，而dogleg彎非常大及盲點甚多。

呢處開波準確性及距離至為重要，否則一定爆大煲！

由於球道多彎，往往打完第一、二甚至第三桿都未見到果嶺，令部份時間要估估下，比較頭痛，果嶺斜度亦高，三推桿經常出現。

如你第一次打就要做幾樣野 ：

1). 考慮打白tee，雖然短左400碼(6,212)但好過大出事，
2). 找個好Caddy同問清楚方向先開波，
3). 練好推桿，因為果嶺唔易推。

後九大部份在山腳，球道'比較'寬�階蝳h數睇到你要打的方向，但少部份球道有水加強難度。

至於沙池反而唔算太難(比較淺)，部份果嶺邊較淺甚至可以用putter將波推出黎。

上面提過 - 對場地熟識會有較大機會打好D，因為好多dogleg 亦有blind shot，第一次打就要留心Caddy的意見。

場內環境比以前靚好多，有D洞靚到冇得頂，可惜仍然有部份球道見到工廠及夜燈D燈柱影響左。

球會不斷對球場作出改動，最明顯係每個洞都有兩個果嶺，方便保養，而草坪亦明顯進步，非常滿意，長期處於高水平，另外有D球道斬左D樹開闊左落點，令難度減低少少，�p過齊體仍然有挑戰性，打得好會好有滿足感，如對熟識場地會幾好玩，頭先講話藍Tee唔短，不過weekend通常放去白Tee，如果想感受真藍Tee，最好平日去打。

全新會所比以前靚得多，又正又舒服，球會仲特別為Weekend golfers 著想，驚舟車勞動太辛苦，打套餐逢星期六日10:30前送早餐等您抖一抖先落場，另外皇崗接送一個鐘一班，都十分方便；眼見球會近呢兩年用心�p斷改善，值得嘉許，希望球會繼續努力，升級至 Ace。10/08

藍色發球區難度