中信常平高爾夫球會
CITIC Chang Ping Golf Club

呢個場響東莞靠近常平，從深圳去可走福龍路 > 龍大高速 > 常虎高速，然後跟住路牌走，離皇崗約一小時車程，非常方便。

唔講都唔知原來會所只係臨時，無論大堂、室外、室內餐廳、更衣室、Proshop都非常企理，但係原來呢度以後只係供練習場使用，真正會所正在興建中，服務非常好，尤其係更衣室D哥哥仔。

呢個係22洞埸，分A、B、C course，今次去發覺有D洞號變左。
設計似係谷場，水及沙都多，有D球道視覺上都幾嚇人，變化亦頗多，最特別應該係呢度有個Green前後足有50碼長，仲有呢個要爬上半山開波，響上面望落去非常夠氣勢；果嶺斜度亦頗大。呢度藍Tee頗長，差不多有6600多碼，反而白Tee短好多，只有5800碼。

依然好正，果嶺速度適中及順暢。

球僮服務唔錯，可以收貨。

計下條數，原來都差不多兩年冇打，今次再去，都有驚喜，最明顯係多左四條備用球道，(今次因有球道做保養，所以打晒四條備用球道)，而且場內環境成熟不少，非常正！連園藝都好用心去做，錦上添花。以前呢度會見到好多山墳，而家搬走左。會所雖然仲係臨時，但其實都算唔錯。
球場草坪雖未有滿分，在廣東黎講都算非常好，球場設計上變化頗多，落點合理，就算偏左少少，只要小心處理，仍然有機會救番個洞，非常enjoyable；沙池用既係白沙，觀感好兼唔會太硬；不過果嶺斜度變化甚大，要小心處理否則三推不難出現。

呢度球車可上球道(要加錢)，而球道種左好多荔枝樹，夏天打波可以摘荔枝食添；呢個場唯一令我覺差少少係 --- 冇乜 signature hole，打完D 洞但係印象唔深。

球場仍然正斗，哎，應該比以前更正斗！絕對值得一試。Ace 7/2011