呢個場係我地東征第二站，由金海灣出發只需20多分鐘就可以到，如果坐私家車或小巴由皇崗出發連休息相信都要約4個小時鬆D。

個會所屬中型'哂士'，唔算大亦唔係細，個前臺亦係中型大小，餐廳、更衣室、proshop 亦係一樣，不過坐落都幾舒服，尤其係室外，locker就幾乾淨企理，至於員工服務算O.K，亦係中等。

個場有上有落，高高低低，左彎右轉，樣樣有D ，打落都幾過癮，球道亦都幾寬闊，不過藍tee都有成 6,659碼，如冇咁上下距離都唔易打par，不過個場 hazard唔算太多(亦唔算少)，難度主要在於打波長度。

全場最靚仔既就係個 #12洞par 5， 打完而家仲回味緊。 果嶺就大部份都冇乜斜度同上落，比較易推。

新C場已經啟用，與AB場風格不同，屬山場，風景相當靚，好多飛崖過水，亦要有一定距離，球道普遍狹窄，有blind shot，果嶺斜度相當大，推杆非常難攪，所以整體難度超高。

AB場兩樣都唔錯，可以收貨。C 場相對未成熟。

不過個場既環境就幾靚下，淨係睇下個景1，2，3個人都醒哂，打波都好D。

PLAY MOVIE.....

今次去D caddie 有明顯進步，可以收貨 。

個場各方面都幾好，球場保養唔錯，設計(AB場)就正規好玩，變化多，在水準以上，C場就較"騎離"，唔多合理，記得帶多D波。

AB場由於藍tee較長，所以難度都有4隻辣椒，想打得好就要練好D短桿同chip shot啦。

仲有，大家要小心場內有條大鱷魚，不過亦有可愛既動物。

唔計C場，AB場仍然出色 Eagle 4/07年