個球會位於從化，廣州北面(約一小時車程)，由皇崗去就差唔多要三粒鍾。如要舒服D可以由香港坐直通火車去再轉車，如果認為直通火車飛會貴亦可以在羅湖轉車。

其實有位會員K F Kwong比我更熟悉個場及義務俾過資料我，所以我會用佢部份既料俾大家參考：

第一次去，只能從地圖找到從化市同從化溫泉，就見不到高爾夫球場係邊度，但我地知去到廣州東站再找的士就應該是最方便。

星期日早上 8:00am 坐火車 (快車 non-stop) 去廣州東站，不記得車飛係 ¥75或 ¥85。 8:55am 到廣州東站，坐的士去球場，幸好個的士佬話佢幾個月前去過，就信佢，由於不知幾多錢，就用錶計。一路都沒大問題，但去到從化溫泉市時，我知就差不多到了，但個的士佬忽然來個180 U turn，嚇得我啊，我都仲未回神，佢又來個右轉入個小路上山，路邊一個牌都沒有，嚇得我差D要跳車，一見前面有實Q，個的士佬都醒，見我想跳車個樣，就大聲問個實Q "呢度係唔係去高爾夫球場啊。

個實Q就話係啊，上去就係。個心先定返，嚇得我啊。 架車轉多兩個彎就見到個球會會所，嘩! 前面有個室內泳池，不過沒起好，已經停左工，會所左右兩邊都有工程，不過也都停晒工。用錶計係三百大元，D當地人話公價係二百元。時間係一小時十五分鐘。) 下午想搵車走可以坐的士，150蚊到廣州東站坐直通巴士返香港。

入到會所，正面係前台，左面開餐地方，右面有間細細既的pro shop，樓下係更衣室。就係咁多。

球會房間在會所後面要行2-3分鍾，Check in 之後就入房，記住雙數房向會所但會好D(因為冷氣机係新裝)，單數房向球場，但呢到只有單人房，如你怕黑就要同人孖舖，不過個房同床都幾大，個房就好似個 "田" 字，個廳就係田字左邊果兩格，個房就係右上格，個廁所就係右下格 - 個廁所真係同個房一樣咁大，房間雖然唔係全新但好在D床舖尚算乾淨。

其實個場既設計相當唔錯有直路、上斜、轉彎等等，變化多多，幾好玩同過癮。

如果打籃tee難度都幾高下，因為部份球道頗為狹窄亦都會有幾多過崖同水既tee shot。

今次好得多，對場地幾熟悉及碼數幾準下 - 而且仲有番套制服添。

對上一次去呢個球會打波係02年8月，由於個場各項水準以下，所以當時俾既評分係Bogey。

今次去有下列發現：
1. Locker 毛巾係新野，比較有信心用。
2. 會所大堂新裝左D分體空調 (家陣平日都有冷氣用)，住球會既雙號房亦有新裝空調 ，單號房幾時有新机就唔知啦。
3. 可惜今次係平日早餐仍然冇選擇 - 得一樣野食(快D加番幾樣野俾我地D球友選擇)。

各位如住球會的話夜晚會冇野食，只有坐車(約5分鐘車)落下面溫泉市食，不過食野都係麻麻，因為D鋪頭永遠叫你食野味，想食得正常D清淡D都好難，如果你決定住響球會，夜晚記得預先買定D飲品同小食。

打完之後覺得個場既配套好左D，練習場亦開番，唯有希望個球會管理層再加強改善同服務，呢處亦不失為一個打平波地點，最後係聽球僮講現時假日打波少左人，比較少出現打波塞車。Par 4/03年