個場位於廣州既左面近佛山，從皇崗出發車程需約2小(私家車)，人多可用Van仔不過車程會耐多十幾分鍾。

如果想方便亦可以乘搭直通火車到廣州轉車(如有6-8人或以上可試問球會可否安排專車接送)，香港既球交亦可以由中港城坐平洲港或高明港再轉車去球會。

球道保養屬中級但較多雜草，好在果嶺就保養仍然幾好。

'正'，雖然藍tee有成6,646碼但球道比較寬闊同冇乜飛水過崖同比較forgiving，所以難度唔算太高，但個場既果嶺附近有幾多沙池 - 要小心處理Approach，果嶺大部份都只有小小斜度，推桿比較容易。

球道設計有相當變化，上斜、落山 、轉彎、亦有D要過水、飛崖等，打落絕對唔會有悶既感覺，球場環境都算唔錯。

個場既每一樣項目都有水準 ，不過今次去發覺球會附近正在起樓，令球場有幾條球道望到D屋，好在其它球道仍然幾清靜同舒服。

個場既籃tee雖然長D同球道幾多起伏，難度偏高些少，但我都幾enjoy既設計。

亦有樣其它球會比較少見既發球落點指示桿放在球道中央令你唔使估估下點打，對有多Dogleg既球場會係一個上佳既 idea！

個場離三水高球會只係約40-45分鍾左右車程，如各位有時間可以住一晚試下打呢兩個場。