個場差不多去到汕頭(離中信個場約20多分鐘)，從皇崗出發到球會全程走深汕高速, 大概要3.5小時(大車要多D時間), 球會己經易手兼大改造, 究竟變成點?

新會所好企理, 好舒適, 有proshop, 餐廳, 咖啡廳, 更衣室空間夠, locker大, 而家仲有酒店, 雖然唔係豪華, 但係乾淨企理, 服務亦跟得上

呢處有dogleg, 有直路, 有island green, 有長有短洞, 大部份球道較為平坦同寬�間A不過兩邊種滿樹木，打左入去就算搵到都只可以拍出黎, 因為樹木好密, 果嶺大部份都幾大而斜度一般， 總括黎講，我覺得設計得唔錯，有正規大場風範, 我就非常喜歡

球僮場地知識幾好, 態度亦好好

可以用醜小鴨變白天鵝黎形容,好正, 令人興��,球會現在有番個企理會所, 唔係以前間鐵皮屋, 草坪令人刮目相看, 又靚又正, 不過我最欣賞係場內環境, 大樹又密又高, 成個幾廿年老場咁成熟, 又冇建築物, 真係非常享受, 設計有少許改動, 另外又加左9洞, 好玩又正路.非常高質素.
如果佢係響深圳就不得了, 肯定日日客似雲來, 又多一個靚場打, 好! 雖然路程係遠D, 有假期我都覺得值得一去打番兩日。評分亦由Par 躍升至 ACE 6/09年