個場位於東莞厚街附近，由於打波當日坐朋友車所以唔清楚由皇崗去球會的車價，但之前由羅湖去厚街要人民幣250元左右(單程)及一小時車程，相信由皇崗去球會都差唔多價錢同時間。

其實球會非常exclusive只招待會員及嘉賓，上次試打因位有member引領，今次亦要勞煩個老友帶住先可以update個評論。

球會內的前臺、環境、裝修、及locker設施等有相當質素及齊備，服務亦 o.k。

球會有27洞，個日我就打荔村場 - 亦即係 1 - 9 同 19 - 27 洞共6,464碼組合而成。總括來講覺得1 - 9因為果嶺多D斜度較多水同所以難度高的多，而19 - 27洞就因為果嶺平D比較容易。

個場大致上冇乜高山，所以相當易行同冇球車都問題不大。而球場設計亦幾好玩，特別係5號的par 4及23洞既par 5有相當刺激性。至於景色就19-27洞有湖景靚得多而後九因為望到附近的樓冇咁靚。

果嶺保養水準高 - 非常滿意，球道亦唔錯不過就有些少雜草。

個球會每一項都唔錯，設施及質素都非常好 - 達五星級水平，可能球會只接待會員同嘉賓，所以打波當日都非常暢順完全冇塞車，唯一可惜係去兩次都未能打10-18洞......下次有機會一定會試，Birdie 。