假日半島高爾夫球會
Holiday Islands Golf Club
地址 廣東省清遠區石角鎮
球場資料
球場設計師 梁國坤
球場數目　 27 洞
標準桿數/最長距離  72 / 7,338 (黑Tee)
場內交通 球車(可上球道)
007訂場熱線 (852) 2187 3146 (辦工時間) 或 24小時網上訂場
 
記分卡 小食亭 球場掠影 大堂 練習果嶺
 
簡介

個場仲係由之前獲得007球場評論中第一個得最高評分Albatross既均安碧桂園集團的出品，位於清遠市郊一個新開發區，附近冇乜市鎮(最近都要去花都 - 半小時車)，不過大家唔使驚，因為裏面有個五星級質素的會所同200多房的酒店，裏面D配套都幾齊，房既裝修唔單止靚，仲幾巨型，有機會就要試下！

個場由皇崗出發沿路都可以行高速，車程約要2小時。
球會設施及服務

個球會連同酒店一齊，設施如前臺、西餐廳、日本餐廳、proshop、更衣室、網球場、練習埸、按摩足浴，卡拉OK夜總會等等都有，非常高質素，傍邊仲有個"故鄉里"主題公園；至於員工亦有唔錯的服務。
球場設計

而家27洞已經開晒，以前1-9 洞(而家叫C場)冇改變 ，以前既後九同新九洞執過位。
先講A場(如詩如畫)，有D高低，幾多dogleg幾多水，球道唔算好闊，波落點都幾仲要，直接影響下一杆既易難度。
B場(短小精杆)名符其實較短，但上山落斜好多，落點偏窄，D rough亦唔好處理，呢度第一洞仲有全廣東省第一個Par 6添。
C場(氣勢磅薄)較開揚，都有D起伏，球道寬闊 ，你可以放心用Driver開波都唔會點出事(不過一般落點兩旁都有fairway bunkers，博唔博得過你自己諗清楚)，而球道都幾多Uneven Lie。

呢處有個特點就係有D超巨型果嶺，比一般果嶺大成一倍！ 再加上斜度甚高及快，如果插在D''騎呢"山頂位就"奧咪葛"，上天保祐你，因為個波在落斜時停到的機會比我成為PGA只係高些少。
球道及果嶺保養

球場所有果嶺保養很好。

草坪已經成熟，有非常高的質素！(除左有一兩條，𣎴過相信而家已經靚仔晒)
球僮服務及場地認識

球僮大部份由均安碧桂園調過來，服務唔錯，對場地熟識已經上手，我個Caddie仲好多得意術語，如皇帝位(最靚落點)、師傅Tee(即開波後枝Tee向後飛).....
球道照片
A場(如詩如畫)
A1 A2 A3 A4 A5 A6 A7 A8 A9
B場(短小精杆)
B1 B2 B3 B4 B5 B6 B7 B8 B9
C場(氣勢磅簿)
C1 C2 C3 C4 C5 C6 C7 C8 C9
評分

個場既會所冇得頂，屬甲級質素。 球場設計經改造後添左好多變化，毋論上山落斜、左右狗腿、island green乜都有D，打落幾過癮。未改之前係大開大合型，隨便拎支driver 出黎狂砌，而家AB場要認真思考下。

至於部份果嶺就個個都係"姚明"身材-----屬於加加加加大碼，如果上得唔靚或期桿插位唔好就要小心！好容易會3或4推架。

而球場觀景改善左好多，D好靚既別墅己經起好，印象中冇乜見到地盤，但因為有夜燈，會見到D燈柱，有D礙眼，不過個場既環境同園藝都算幾好同清靜。 而#4洞Signature Hole己經注滿水，靚到冇得頂。

同梁總打完波之後傾計時，佢話之前有個客打得唔好發脾氣打爛個green，梁總堅持罰佢錢兼入黑名單，再犯就永不接待，梁總仲話，球手要有球品，球會要有尊嚴，唔係有錢打波就大晒，就算係會員，都會一樣退錢逐出會，我對此非常敬佩，希望所有球會都能堅持，唔好剩係顧住做生意，放縱呢種球手就即係對其它守規舉既球手唔公平。

球會換哂新球車，仲係最新款"來路貨"Club Car，好型仔，球車可以落球道，正！

總結：個場設計有難有易，碼數有長有短，球道有窄有闊，變化多多趣味性高，而會所設施就冇得頂，基本綠化己經完成，比以前靚得多，草坪果嶺亦相當正，不過如想挑戰姊妹場均安碧桂園的最高評分就仍差些少同要等多一陣，比其它球場就綽綽有餘，值得一試。Ace 11/07

難度指數 : (藍色發球區)  
球會設施、服務  
球場設計 
球道、果嶺保養
球僮服務及場地認識 
球場綠化、觀景