| ||||||||||||||||||||||||||||||||||||||||
| 簡介 | ||||||||||||||||||
|
球會本來係一個鄉村俱樂部在96年左右開業，之後加建一個18洞球場及在01年左右完成，萬盛一路都行比較屬於'私人/會員'既路線，所以一直都冇去.......原來走左雞都唔知.......點解？........一陣話你知。 個球會由九洲港出發，大巴要60分鐘，細車可以快些少約50分就掂。如果自己叫車就要問清楚先上車費(講價約140-150人仔)同司機是否熟路。 | ||||||||||||||||||
| 球會設施及服務 | ||||||||||||||||||
|
個會所外形帶點英式味道，面積都幾巨型下(同西麗差唔多size)，唔係走豪華路線，屬於悠閒、舒適及鄉村原始果種味道，尤其係個休息室/酒巴，又有大梳化，又有書櫃、又有火爐，美式桌球；另外有間好正既英式桌球房，會議室，外面就有兩個泳池、網球場、在個水庫玩下艇仔同釣魚、練習場、鎗會、狩獵區等；員工服務唔錯，餐廳既食品選擇都多，特別係D蔬菜同肉類都係球會或在附近出產 - 夠哂新鮮，有興趣仲可以試下D走地雞同水鴨湯........yummy！ | ||||||||||||||||||
| 球場設計 | ||||||||||||||||||
|
一句講完 ~~~~~~~~~~相當頂癮！ 特別係個居高臨下的#6 招牌4桿signature hole，打完包你有排講！ | ||||||||||||||||||
| 球道及果嶺保養 | ||||||||||||||||||
|
球道綠油油，甚有地氈feel，保養有高水平！ 致於球場觀景就冇得頂，係我打在廣東省打過咁多個場之中最top既其中之一，亦由於球會有個狩獵場在隔離所以有部份球道仲有D水鴨呀，珍珠雞等等行來行去，認真攪野！ | ||||||||||||||||||
| 球僮服務及場地認識 | ||||||||||||||||||
| 007在萬盛打過多場，用過大部份D球僮多數都係年青的少女，course knowledge只屬一般但服務就多數ok，如遇到男仔就多數係自己有打波，一般都會對場地熟悉；但如你遇人不淑可以立即向出發臺或Marshal投訴幫你轉球僮。 |
||||||||||||||||||
| 球道照片 | ||||||||||||||||||
| ||||||||||||||||||
| 評分 | ||||||||||||||||||
|
個場既頭九洞係環繞一個大型水庫，而後九洞就建於多個小山、山腰同山腳組合而成，幾特別 - 有大上大落，左右dogleg，直路、過水......變化多端，直情係三九"加強板"；企係D十幾樓高既tee臺望落球道，十分之有氣勢，打落包你唔會悶。不過有幾條球道幾狹窄下，大家千期唔好貪心強攻，否則可能會出事。 球場各方面既感覺都正 - 可惜球道上冇乜距離指示牌(Distance
marker)，要問清楚caddy碼數........否則就會打過龍或打短左。 個場由於離九洲港50多分鐘車程，想打得舒服就最好預鬆些少時間，想真真正正享受打波既樂趣同欣賞個球會靚靚環境就最好住一晚，部份房間在2006年中翻新過，其實萬盛唔叫球會而叫鄉村俱樂部，因為好多其他野玩，個水庫可以釣魚(球會可以提供漁具)，可以去鎗會射飛碟，唔夠刺激仲可以落狩獵場打獵(當然有教練，仲有獵犬添)，我就喜歡坐響二樓露台對住個靚景飲杯野；如果想出外面玩，浸溫泉可以去附近約25分車程(約60-70元車費)既御溫泉和海泉灣(20分鐘)，另外最近有個斗門井岸鎮(30分鐘)，食玩都有，我就試左呢間益利大酒樓，粵菜、燒味和海鮮乜都有，好味得黎又唔貴，附近亦有有間按摩洗腳既休閒中心。 總結黎講，個球場設計超好玩！但籃tee接近6,500碼有一定難度，加上部份球道頗窄同上山，初次打可考慮白tee，熟習球道變化會易打D。球場保養有上佳表現，環境更屬頂級，如有機會定要一試。 Eagle 6/2010(更新)
|
