中山長江高爾夫球會 - Agile Golf & Country Club
地址 廣東省中山市長江旅遊風景區
007訂場熱線 (852) 2187 3146 (辦工時間) 或 24小時網上訂場
球場資料
球會類型 私人球會,部份時間開放其他打球者使用。
球場數目  個18洞,分A場及B場
標準桿數/最長距離  A場 71 / 6,919碼      B場 72/7,066碼
場地設計師 JMP Design Group
場內交通 電動球車
夜燈 A場後 9 洞
交通
中港城/港澳碼頭 - 中山港 約一小時30分船程
中山港 - 球會 約 20 分鐘車程
中港城/港澳碼頭 - 九洲港 約一小時10分船程
九洲港 - 球會 約40分鐘車程

計分咭 地圖 船期表及收費 球會設施
球車 小食亭 球場觀景 出發台
練習果嶺 球場掠影    

簡介
呢個場係由名牌房地產商"雅居樂集團"發展,位置離開中山市約15分鐘。

波友從香港港澳碼頭或尖沙咀鴾仍銕鬼撞謒鴗中s港約一小時十分,再轉的士(約45元人民幣)或球會提供麍黿穭琱h,車程約20分鐘。
另外亦可以搭小輪去九洲港,不過九洲港到球會路程就會遠D,搭的士都要成40多分鐘(講價約$110-120,行咪表可能要140-150元)。

最近一次007由陸路去,發覺多左條高速公路到球會,由皇崗出發,全程高速,小車只係用左1.5小時。
球會設施及服務 

會所外型非常有特色,大堂寬倘兼優雅舒適,好有club feel前臺好大,樓底又高。會所內有專賣店餐廳 (D咖啡又濃又香,正!),更衣室又靚又大又舒服,附設既五星級雅居樂長江酒店響2008年完成,同會所相連,裡面一樣企理,有咖啡廳、紅酒房、雪茄房、泳池、桑拿按摩等,D客房超大size,裝修唔止靚,D設備如電視、傢俬同床被都係貴野,都真係落重本;員工服務亦有相當水準。 

練習場亦唔錯,有沙池同果嶺成條真球道一樣。

球道及果嶺保養
球道及果嶺保養極好!草坪及果嶺絕大部份都好似鋪上新地氈一樣,球道及發球區附近亦種滿各類花草,雖然未到春城既級數,但都幾接近。

球會A場上個月剛剛完成18洞果岭換了"白金"草, 綠到無得頂 ! Dec 2010

 

球場設計趣味性  

A場 :
整過A場都圍繞在山上建成,所以球道被山形影鄏茼閉蛪矰j的上落起伏,多條球道亦有大的Dogleg(狗腿彎),這些設計亦屬於007的至愛(因為我鍾意可以搏鼤y洞),不過搏還搏,發球準確是必須的,因為球道並非太闊,落點如有偏離目標就可能會飛入兩邊的長草或樹林內而需要被罰桿。
整體上個場有部份難度幾高,而頭九洞難度感覺上比較難過後九洞。不過如果你選擇打白色發球區的話,部份Dogleg就會減少彎道另整個難度減低而亦不大影酯茬齝鴩性,各位如第一次打此場可以考慮。

B : B場冇咁多上落,主要難度係長度,藍Tee超過6,700碼,仲有係果D沙池擺位(D沙池造型好靚),經常響落點見到佢地,果嶺附近更多,水障亦唔少,球道普遍都幾闊,只係有少部份窄番些少,都幾多狗腿洞,果嶺大小適中,斜度亦唔算多。

球道相片
A 場
# 1 # 2 # 3 # 4 # 5 # 6 # 7 # 8 # 9
# 10 # 11 # 12 # 13 # 14 # 15 # 16 # 17 # 18
B                
# 1 # 2 # 3 # 4 # 5 # 6 # 7 # 8 # 9
# 10 # 11 # 12 # 13 # 14 # 15 # 16 # 17 # 18
球僮服務 

今次再去,球僮明顯有進步,仲講得下英文,攪到我個鬼仔Partner鬼咁開心,唔駛雞同鴨講(又唔使我翻譯),笑容同服務都幾好。

同其它位於中山的球會一樣,球僮大部份都是當地人用廣東話,所以溝通"應該"冇問題,不過有一次去打剛好打左多個greens in regulation(其實只得六次),而每次打球上果嶺都聽到球僮大叫(好!有玻璃窗.....),聽到一舊雲,乜野玻璃窗呢? 我唔明喎!但又唔好意思問佢究竟係乜....究竟點解呢? 後來先知,原來佢係話 birdie chance!  差D俾佢考起!

評分 
對設計同保養相當滿意,場內滿佈大樹及花草,重有D歐洲 feel,環境非常靚(鄰近著名的風景區-長江水庫) ,尤其係九號洞第十八洞相當靚亦有氣勢,感覺園藝做得好細緻,連球車道D邊位都得唔同。

球場係各方面都相當出色,雖然未算完美,但都相當接近 ,係廣東省球會之中,冇幾多間可以相比;兩個場風格都唔同,不過我就較為喜歡A場既設計同景色,我覺A場變化多DB場就大開大合,要練好D木同長鐵先攪得佢掂。

球會自開業已來一直都可以維持高水平,值得一讚!亦吸引到很多知名人仕及名藝人到球會打波,據聞除左007之外,亦見過譚校長、掌門人和亞Lam哥等。

A 場得我既最高分 Albatross!! B 場都唔弱,Ace. 02/09, 兩個場都絕對要打!

A
球場難度指數 : (藍色發球區)
球會設施、服務        
球場設計及趣味性    
球道、果嶺保養   
球僮服務      
球場綠化、觀景     

B
球場難度指數 : (藍色發球區)
臨時球會設施、服務        
球場設計及趣味性    
球道、果嶺保養   
球僮服務      
球場綠化、觀景