個場在03年尾完成改建 - 其實應該叫重建比較正確，因為個新場毋論係設計(C場係由Bob McFarland設計)，草種同距離(C場籃tee比較短)都同AB場唔同，其它球場資料可以望下主頁。

個C場比A同B較多上上落落，亦比較多Dogleg同水。

至於沙池就多數都係放在D開波落點附近，如果你沙技不佳就最好打短少少避開佢地。

球場既環境都幾靚，球過設計亦有D氣勢，可惜就間唔中望到D夜燈同高壓電塔.......

C場非常靚仔，球道同果嶺一樣咁正.

服務OK，場地認識就要俾多幾個月時間等佢地熟識個場。

個日打完個B場行到呢個新場嚇到我嘩一聲，因為；第一)同舊C場完全唔同哂，直情面目全非，二). 草種又唔同(好似Mission Hill既Jumbo差不多)，三), 球道設計睇落有D似峰景球會既C&D場，完全冇左舊C場既feel。

打完波之後有樣野唔記得問球會，因為球僮話B場籃tee只可俾single handicapper打，所以打左白tee，但C場就可以打籃tee，咁我打完之後點報handicap？究竟場波我打左白定籃 tee呢......？

其實C場既碼數比較短，籃tee只得3,043碼，不過個難度都有番咁上下，因為除左多沙池、水同部份球道較窄之外，最令我頂唔住既 - 就係D薯片green，因為你就算GIR都未必可以克服D高斜度兼有世紀海景feel既果嶺！

總結個C場個design都算多變化，打落都覺得幾好玩同夠哂有挑戰性，場地保養亦好正，不過由於AB場同C既設計截然不同，撈埋黎打覺得有D怪怪地既感覺。

Anyway，想在C場打得好就要練好D推桿。 10/06年