對上一次去呢個球會在02年，當時球場的保養麻麻地，所以並冇乜特別印象。直至最近知道球會已由一個國內知名的家電公司收購左個球會並在一年內投放過1,000萬落球會改善各項設施及邀請一位會員為球會的新老總全面管理，將球場成為一個以會員為先的球會，知道球會咁多改動之後立刻出發睇下佢變成點？

個場位於順德市，上次去由皇崗出發，車程要兩粒鐘，費用要600人仔左右，今次去就坐船去順德港，轉的士約80車費同30分鐘車程。

個場位於市中心附近、屬平地場，由多屆英國公開賽冠軍Nick Faldo設計，球場藍tee長6,354碼，主要難度在於水障礙同沙池，因為差不多每條球道都有呢兩樣野等你的小白球；果嶺設計就在於較多斜道，想打得好就要小心落球點。好在個場大部份球道都幾寬闊，否則整體難度就會相當高。

個場的球道同果嶺保養比上次大有進步。

個球會由新老細接手管理已陸續見到成效......會所正在加強、球場保養同園藝都花左唔少心思，明顯比之前靚好多。聽老總講佢地中餐廳D順德菜做得唔錯，本來想試下，可惜有約在身未能一試，唯有等下一次。

個場球道設計變化較少但有兩個球道我覺得特別好玩，一個係4號魔鬼洞，難度幾高亦幾有趣味性，另一個係8號洞要考下心思同選擇最佳落球點......大家如去試場可以留意下呢兩條球道。

呢個場設計上由於較多水，一個唔覺意就會爆煲，新手記住要帶定多D波同小心處理。Birdie 。