呢度係由華僑城集團投資，叫做東部華僑城的大型綜合性旅遊項目，高爾夫只係其中一個項目，裡面包括房地產、酒店、主題公園等。
講番高爾夫，呢度規劃起36洞，18洞係公眾場(即係而家開左呢一個)，18洞係會員球會(都巳經開左)。
由皇崗出發需50分鐘車程(記得由蓮塘上高速，行沙頭角會塞車)，因為其位置在深圳東，以過關黎講，最近係沙頭角，然後係文錦渡，再係羅湖，先至到皇崗。
因為東部華僑城有兩個入口，記住同司機講要由三洲田入，唔係大梅沙果個。

整體上同世紀海景好相似，山場佈局，前九一路向山頂出發再打番落黎，上落較多，飛山過崖亦多，球道較為窄，uneven lie又多，開完個靚波大堂正中都可能要打高低腳； 後九相對地勢平番些少，多番D水。果嶺斜度都幾大。 打起黎趣味性高，但係就唔係太o岩新手打。

草坪有唔錯既水準，果嶺偏快且暢順，沙池D沙又白又幼細，雖然成本高又難打理，但係又好打又令個場更靚(Nov08)

球僮開始成熟，可提供準確球場資料

設計夠晒剌激好玩(不過有D球友就話有D洞唔多合理)，熟場後會更好，藍Tee 6300多D，對一般球手o岩o岩好，白Tee只有5800較短，不過呢個場唔係咁適合高差點球手，如果真係想打，打白Tee會舒服D，仲記住帶多D波 ，仲有要留意打波速度，唔見波唔好找咁耐，否則包你俾Marshal貼身照顧。
球場對打球速度非常重視，出發前會提醒您要在4.5小時內完成18洞， Marshal 亦好勤力，經常見到蹤影，亦Time住球友D速度，稍慢就會提醒，抵讚！其他球會真係要學下。(我地果日four balls 只用左4小時完成)
十二號洞有個小食亭，記得停一停欣賞一下個瀑布景，唔錯架。
會所超晒班，又大又夠"卡士"，仲可以彈乜呢？
呢度另一個會員場已經起好，不過只受會完玩。
聽球僮講，呢度都幾大霧 (事實上我都去左好多次先影到呢輯較為好D既相)，試過大霧起上黎，要到下午先開得波，真利害。 仲有呢個場好受歡迎，經常爆滿，想打就要預早D訂(假日三個星期前都訂唔到)。
如果要過夜，個場附近有間好正既酒店 - 茵特拉根 (Interlaken)， 好有歐洲小鎮feel，不過房費唔平，又或者可以住落山腳大梅沙喜來登(Sheraton)，都好正架！
升級至 Ace 11 / 08