珠海高爾夫俱樂部

珠海高爾夫俱樂部
Zhuhai Golf Club

簡介

個場位於珠海(在珍珠樂園隔離)，離九洲港碼頭約16-17分鐘車程，的士大約要60人仔就到，如果有幾個朋友，球會仲有穿梭車接送。

其實我想打呢個由日本人經營既"舊"場(遠在1985年已開業)好耐，可惜佢之前個價錢一路都高企不下(在假日收成千多銀green fee......好在最近價錢已回落) ........所以立即去打場同update資料。

球會設施及服務

未入到個會所就發覺沿路既巨型大樹幾靚下........果然有番咁上下歷史，入到去會所就更加體會到兩樣野:

第一，好似番左入時光隧道.......倒流左十幾廿十年！因為佢既裝修同設計都有D
70年代feel......雖然裝修較為懷舊，好在都幾乾淨企理.......仲對我呢個在"油脂"時代長大既人黎講幾有親切感添。

第二，個會所裏面好多日文，仲經常聽到D"恭爸娃"，"亞囉呢"......諸如此類，好似去左東京咁，坐低餐廳冇耐叫左個日本麵，食完就雞咁腳........開波 : )

球場設計

個場有兩個特點一、就係夠平，球道平、果嶺亦唔多斜、連沙池亦唔深，大部份球道都冇乜上落，dogleg亦只得一兩條，非常類似聚豪同惠州高爾夫兩個場既設計，加上打波當日球道兩邊既rough亦剪到同fairway一樣咁短，令難度大為減低。

特點二、部份fairway幾特別同攪野，因為設計師在球道中間種左D大樹，阻住你上果嶺，開波時要留意落點。至於果嶺就絕大部份都水平如鏡，只有每幾個有斜度，putt波唔算太難。

球道及果嶺保養

球道唔錯，果嶺亦一樣幾正(只有一個差些少)，不過並冇影響推波。

球僮服務及場地認識

俾上次好得多，大有進步。

球道照片

# 1	# 2	# 3	# 4	# 5	# 6	# 7	# 8	# 9
# 10	# 11	# 12	# 13	# 14	# 15	# 16	# 17	# 18

評分

總結 : 會所雖然舊左D，但都幾舒服企理，球場環境亦幾靚，員工服務亦唔錯。

個場除左#7同#16洞兩個要過水有D危險之外其它球道難度唔係太高，個設計亦算幾好玩。至於球場環境就相當正，可惜有一兩條球道因為鄰近賽車場同珍珠樂園所以間唔中會有D燥音。

仲有係上次去打波時落雨，點知球車可以在雨天都可以上fairway - 正！

呢個球場在九洲港碼頭附近，往來香港都幾方便，如果同家人去都幾好，因為佢同珍珠樂園在同一地點，可以各有各玩，之後仲可以一齊出去拱北食下野 - 正！。 Eagle 5/04年

難度指數 : (藍發球區)